राज्यातील पावसाचा आढावा: काही ठिकाणी हलका ते मध्यम पाऊस तर काही ठिकाणी कोरडे हवामान weather forecast today

weather forecast today राज्यातील काही भागांमध्ये पावसाच्या हलक्या ते मध्यम सरी पडत असल्याचं चित्र आहे. काल सकाळी 8:30 ते आज सकाळी 8:30 दरम्यान राज्यातील विविध जिल्ह्यांमध्ये पावसाच्या प्रमाणात बदल पहायला मिळाला. पुणे, सातारा, नगर, सोलापूर, सांगली, धाराशिव, लातूर, बीड आणि परभणीच्या काही भागांमध्ये मध्यम स्वरूपाच्या पावसाच्या सरी कोसळल्या. तर, बुलढाणा, अकोला, वाशिम, यवतमाळ आणि चंद्रपूर जिल्ह्यांमध्ये हलका पाऊस झाल्याचे नोंदवले गेले. कोकणातील मुंबई, ठाणे, रायगड आणि रत्नागिरीच्या काही भागांमध्येही हलक्या ते मध्यम पावसाच्या सरींची नोंद झाली.

हवामान स्थिती: चक्राकार वाऱ्यांची स्थिती आणि कमी दाबाचं क्षेत्र

सध्याची हवामान स्थिती पाहता, चक्राकार वाऱ्यांची स्थिती बांगलादेशच्या आसपास आहे. या स्थितीतून कमी तीव्रतेचं कमी दाबाचं क्षेत्र तयार होण्याची शक्यता असून त्यामुळे पूर्व भारत आणि पूर्वोत्तर भारतामध्ये पावसाचा जोर वाढलेला पाहायला मिळतोय. राज्याच्या आसपास सध्या विशेष हवामान प्रणाली नाही. मात्र, थोडसं जोड क्षेत्र विकसित होत असून यामुळे काही भागांमध्ये गडगडाटी पाऊस दिसून येत आहे. मात्र, हा पाऊस कमी क्षेत्रावरती मर्यादित आहे.

रात्रीसाठी पावसाचा अंदाज: काही ठिकाणी हलक्या पावसाची शक्यता

सध्या सातारा, कोल्हापूर, सिंधुदुर्ग, नगर, बीड आणि परभणीच्या सीमावर्ती भाग, छत्रपती संभाजीनगरचे काही भाग, नांदेड आणि धुळ्याच्या काही भागांमध्ये हलक्या पावसाचा अंदाज आहे. हे ढग दक्षिण-पूर्वेकडे सरकत असल्यामुळे वैजापूर, गंगापूर, माजलगाव, पाथरी, श्रीगोंदा, कर्जत, जत, कवठेमहांकाळ आणि मानच्या दक्षिण भागांमध्ये हलक्या ते मध्यम पावसाची शक्यता आज रात्रीसाठी व्यक्त करण्यात आली आहे.

काही भागांमध्ये पावसाची शक्यता

सिंधुदुर्गातील सावंतवाडी, कुडाळच्या काही भागांमध्ये आज रात्री पावसाची शक्यता आहे. कोल्हापूरमधील पन्हाळा आणि नांदेड येथेही हलका पाऊस होण्याचा अंदाज आहे. मात्र, इतर ठिकाणी विशेष पावसाची शक्यता नाही. उद्या राज्यात काही भागांमध्ये हलका पाऊस होईल तर काही ठिकाणी कोरडे हवामान राहील.

उद्याचा हवामान अंदाज: काही भागांत हलका पाऊस होण्याची शक्यता

उद्या सोलापूर, धाराशिव, सांगली, लातूरच्या आसपासच्या भागांमध्ये थोडा हलका पाऊस किंवा गडगडाट होऊ शकतो. मात्र, विशेषत: मोठ्या पावसाची शक्यता नाही. याशिवाय, राज्याचा इतर भाग – कोकण किनारपट्टी, मध्य महाराष्ट्र, विदर्भातील इतर भागांत स्थानिक पातळीवर ढगांची निर्मिती झाली तर क्वचितच थोडासा हलका पाऊस होऊ शकतो. याशिवाय, इतर ठिकाणी मोठ्या पावसाची शक्यता कमीच आहे.

हवामान विभागाचा अलर्ट: राज्यातील काही जिल्ह्यांत येलो अलर्ट जारी

हवामान विभागाने दिलेल्या इशाऱ्यांनुसार उद्या राज्यातील काही जिल्ह्यांत गडगडाटी पावसाचा इशारा देण्यात आला आहे. नंदुरबार, धुळे, जळगाव, छत्रपती संभाजीनगर, जालना, परभणी, हिंगोली, नांदेड आणि पुणे, सातारा या जिल्ह्यांमध्ये येलो अलर्ट जारी करण्यात आला आहे. या भागांमध्ये गडगडासह पावसाच्या सरी कोसळण्याची शक्यता आहे.

काही जिल्ह्यांत हलक्या ते मध्यम पावसाची शक्यता

नाशिक, सोलापूर, सांगली, कोल्हापूर, लातूर, रत्नागिरी, रायगड आणि ठाणे या जिल्ह्यांमध्ये हलका ते मध्यम पाऊस किंवा गडगडाट होण्याची शक्यता वर्तवण्यात आलेली आहे. या भागांमध्ये पावसाची तीव्रता कमी असली तरीही स्थानिक हवामानातील बदलामुळे अचानक पावसाच्या सरी कोसळू शकतात.

इतर जिल्ह्यांत हलक्या पावसाची शक्यता

राज्याच्या इतर राहिलेल्या जिल्ह्यांमध्ये हवामान विभागाने हलक्या पावसाचा अंदाज व्यक्त केला आहे. स्थानिक पातळीवर ढगांची निर्मिती झाल्यास काही भागांत पाऊस होऊ शकतो. मात्र, विशेषत: मोठ्या पावसाचा इशारा सध्या तरी देण्यात आलेला नाही.