राज्यात मान्सूनची माघार सुरू; काही भागांमध्ये पुढील 24 तासांत पावसाची शक्यता weather forecast today

weather forecast today पश्चिमेकडून वारे सक्रिय, मान्सून माघारीचा प्रवास वेगाने सुरू

आज 3 ऑक्टोबर 2024, सकाळी 9:30 वाजता राज्यातील हवामानाची स्थिती पाहता, राज्यात पुन्हा एकदा पश्चिमेकडून वारे सक्रिय झालेले दिसत आहेत. याचे मुख्य कारण म्हणजे पश्चिम बंगाल आणि बांगलादेशच्या आसपासच्या भागांमध्ये चक्राकार वाऱ्यांची निर्मिती झाली आहे. तसेच उत्तर भारताकडे कोरडे वारे सक्रिय झाले आहेत, ज्यामुळे मान्सून वेगाने माघारी फिरू लागला आहे.

राज्यातील काही भागांत हवामान कोरडे, लवकरच मान्सूनची माघार जाहीर होण्याची शक्यता

राज्यातील अनेक भागांत हवामान आता कोरडे राहायला सुरुवात झाली आहे. येत्या दोन ते तीन दिवसांत हवामान विभाग राज्यातील काही भागांमधून मान्सून माघारी गेल्याचे जाहीर करू शकतो. मात्र, मान्सून जरी माघारी गेला तरी राज्याच्या दक्षिण भागातील काही जिल्ह्यांमध्ये पुढील काही दिवस पावसाची शक्यता कायम राहणार आहे.

सॅटेलाईट इमेजमधून ढगाळ वातावरणाची नोंद

सध्याच्या सॅटेलाईट इमेजनुसार, पश्चिम विदर्भ, उत्तर महाराष्ट्र, पुणे, सातारा, कोल्हापूर आणि कोकणातील काही भागांत ढगाळ वातावरण पाहायला मिळत आहे. परंतु, पाऊस देणारे ढग राज्यात सध्या नाहीत, त्यामुळे या भागांमध्ये पावसाचा जोर दिसणार नाही.

पुढील 24 तासांचा हवामान अंदाज

पुढील 24 तासांत अंदाजानुसार, पुणे, सातारा, सांगली, कोल्हापूरचे मध्यभागापासून पूर्वेकडील भाग, नगरचा दक्षिण भाग, बीड, लातूर,  धाराशिव, सोलापूर या पट्ट्यात विखुरलेल्या स्वरूपात गडगडाट आणि वादळीसह पाऊस होण्याची शक्यता आहे. राहिलेल्या राज्याच्या इतर भागांत क्वचितच पाऊस होईल. स्थानिक पातळीवर वादळी ढगांची निर्मिती झाल्यास काही ठिकाणी थोडाफार पाऊस पडू शकतो, परंतु इतर ठिकाणी मोठ्या पावसाची शक्यता सध्या नाही.

मान्सून माघारीचा प्रवास वेगाने सुरू

मान्सूनने पश्चिम बंगाल, बांगलादेश, उत्तर भारतातील काही भाग, तसेच हिमालयीन क्षेत्रांमधून माघार घेतली आहे. हवामान विभागाच्या अंदाजानुसार, येत्या दोन ते तीन दिवसांत महाराष्ट्रातील काही भागांमधूनही मान्सूनची माघार सुरू होईल. त्यामुळे शेतकऱ्यांनी हवामानाच्या अंदाजानुसार पुढील नियोजन करावे.